جلاش بالكبد والقوانص ، جلاش بكبده الفراخ

الكثير منا يعرف الجلاش باللحمه المفرومه ولكن هل تعلمى ان ان الجلاش بالكبد والقوانص اطعم مليووون مره من الجلاش باللحمه المفرومه جربى طريقتى واوعدك انك حتعمليه دايما

المكونات المطلوبه :-

- لفه جلاش

- ١/٢ ك كبده فراخ او كبده وقوانص ويمكنك استخدام اقل من النصف كيلو 

- شطه خضرا او الوان حسب المتوفر

- بصله متوسطه الحجم

- كوب كبير لبن 

- بيضه 

- معلقه كبيره صلصه طماطم

- معلقه كبيره بيكنج بودر

- معلقه فلفل اسود

- معلقه كبيره ملح + بهارات حسب الرغبه 

* طريقه التحضير :-

- تقطع البصل قطع صغيره باستخدام الكبه ان امكن

- تحمر البصله فى قليل من الزيت حتى تصفر

- توضع الكبده بعد تقطيعها على البصله 

- فى حاله استخدام القوانص مع الكبده تسلق القوانص قليلا ويتم استخدام الجزء البارز الطرى فقط وليس كل القونصه 

- تقطع الشطه قطع صغيره وتضاف للعصاج مع اضافه معلقه الصلصه 

- يضاف الملح والفلفل والتوابل 

- تدهن صينيه مربعه او مدوره حسب الرغبه بالسمنه

- يتم وضع تلت كميه الجلاش ورقه تلو الاخرى بدون اضافه اى ماده دهنيه

- يتم اضافه نصف العصاج على الجلاش

- ثم يتم وضع تلت الجلاش ثم العصاج ثم باقى ورق الجلاش

- تدخل الفرن على نار متوسطه فى الرف الاسفل حتى تحمر قليلا 

فى طبق يضاف اللبن والبيض والبيكنج بودر وقليل من الفلفل والملح ويفضل اضافه معلقه خل للقضاء تماما على رائحه البيض

- يمكنك اضافه الفانيليا اذا كنتى من محبى الحلو والمالح معا شخصيا افضل استخدامها 

- بعد مرور عشر دقائق للجلاش فى الفرن يتم اخراجها ووضع خليط اللبن وتحريكه جيدا حتى يتشربه الجلاش

- يعاد الجلاش ف الفرن حتى تمام التسويه فى حدود ربع ساعه

- فور خروجه من الفرن يغطى جيدا حتى يصبح طرى ومورق ولذيذ

*يقدم ساخن مع السلطات وبالهنا والشفا