طريقه عمل الشيبسي زى الجاهز بالظبط واحسن

موضوعنا النهارده حنتكلم فيه عن حاجه كلنا بنحبها وخاصه الاطفال وكتير من ستات البيوت جربوا الطريقه وفشلوا وانا واحده منهم اللى جربت طرق كتير جدا لغايه لما وصلت لاحسن نتيجه النهارده حنتكلم عن احسن طريقه لعمل الشيبسي زى الجاهز واحسن وانضف كمان ميه مره

حاولتى مره تعملى الشيبسي لكن اطرافه اتحرقت وف النص ابيض وطرى او طلع مقرمش وحلو لكن شارب زيت كتير او طلع مقرمش وبعد ميبرد يبقي طرى ومش حلو ، دلوقتى جربى طريقتى و اوعدك انها حتعجبك جداااا وحتاكلى احلى وانضف شيبسي

المكونات :::

- بطاطس والكميه حسب الرغبه 
- معلقه خل كبيره لكل بطاطسايه
- زيت للقلى والتحمير
- بهارات شيبسي وشخصيا افضل استخدام بهارات ( بصل بودر + توم بودر + مرقه دجاج + بهارات الفشار ) ويمكنك الاكتفاء بالملح فقط

طريقه التحضير :::

- تقشر البطاطس وتقطع شرائح رفيعه باى اداه متوفره في البيت سواء الملساء او المشرشره كما في الصور 

 اداه تقطيع الشيبسي المسطحه

اداه تقطيع الشيبسي المشرشره

- تغسل البطاطس جيدا ثم تنقع بماء ساقع مثلج به الخل
- تترك البطاطس في الماء المثلج لمده لا تقل عن ساعه ويفضل تركها ساعتين 
- يصفى الماء من البطاطس ثم تحضر قطعه قماش وتنشف البطاطس جيدا للتخلص من كل الماء 

- ثم تحمر البطاطس في زيت غزير سخن وتقلب جيدا اثناء التحمير حتى تعطى اللون الاصفر وتخرج 
- ترش البهارات على البطاطس فور خروجها حتى تمتص الطعم جيدا
- سوف تصبح عندك بطاطس شيبسي مقرمشه وافضل من الجاهز رووووعه جربيها

ملحوظات هاامه :::
- يفضل ان تكون البطاطس مخصصه للتحمير بمعنى تكون بطاطس قاسيه وغير مسكره
- يجب ان يكون الماء المستخدم مثلج به قطع ثلج 
- الزيت المستخدم غزير وسخن 
- وضع كميات قليله جدا فى كل مره اثناء التحمير مع التقليب المستمر وتخرج البطاطس من النار قبل ان يصبح لونها اصفر غامق لان لونها يغمق درجه بعد خروجها من النار 
- لا توضع البطاطس على مناديل مطبخ بل توضع في مصفاة حتى تصبح مقرمشه وهى لا تحتاج لاى مناديل لانها لا تتشرب الكثير من الزيت بفضل الماء المثلج 
اتمنى ان تجربوها واتركوا لنا تعليق لاى استفسار