صينيه جلاش بالكبد والقوانص

صينيه الجلاش معروف دائما باللحمه او المكسرات ولكن هل جربتى يوما صينيه الجلاش بالكبد والقوانص ، جربيها وسوف تدمنى عليها تابعى معى الطريقه .

المكونات المطلوبه :-

- لفه جلاش
- ربع كيلو كبد وقوانص معا ويمكنك زياده الكميه

- بصله كبيره مقطعه قطع صغيره
- معلقه كبيره صلصه طماطم
- بيضه واحده
- كوب حليب ( لبن )
- معلقه صغيره بيكنج بودر
- بهارات وتوابل حسب الرغبه

الطريقه :-

- قومى بسلق القوانص لمده نصف ساعه
- قطعى الكبد والقوانص قطع صغيره
- تحمر البصله فى الزيت حتى تذبل ويضاف الكبد والقوانص تحمر قليل ويضاف لها معلقه صلصه طماطم والبهارات ويمكنك اضافه فلفل اخضر 

- تحضر صينيه مربعه وسط وتدهن بالسمن
- توضع تلت لفه الجلاش بدون اضافه اى ماده دهنيه فى منتصف الجلاش
- يوضع نصف الكبد والقوانص ثم يوضع تلت الجلاش وباقي الكبد والقوانص ثم الجلاش
- تضرب البيض واللبن والبيكنج بودر وقليل من الملح والفلفل الاسود
- تقطع صينيه الجلاش مربعات ويضاف لها خليط اللبن
- تدخل الفرن ف الرف الاسفل على درجه حراره متوسطه وتترك حتى تحمر ويتم فتح الشوايه للحصول على لون جيد
- تقدم مع سلطان او مخللات وبالهنا والشفا
- متنسيش تتركى تعليق لاى استفسار او سؤال.