طريقه عمل اللانشون في البيت

مع دخول العام الدراسى الجديد تسعى كل ام لتوفير ما هو صحي ومفيد لاطفالها حتى تساعدهم على التركيز خلال الوقت المدرسي ، واليوم اقدم لك سيدتى طريقه صحيحه 100% لعمل اللانشون البيتى الصحي والمفيد بعد ان عرفنا جميعا اضرار وخطوره اللانشون المصنع ، وايضا المعروف بعدم نضافته وسوف اضمن لك ان تصنعى لانشون بيتى احلى واحسن وكمان اوفر من لانشون المصانع ، تابعى معى المقال التالى

* المقادير :-

- 4مكعبات جبنه مثلثات
- عدد3 بيض
- 4 ملاعق دقيق
- 1.5 معلقه نشا
- 1 مرقه فراخ
- 3 فص توم مهروسين
- 3 ملاعق زيت 
- 1/2 معلقة صغيره من كل من  فلفل اسود قرفه حنزبيل بصل بودر

- 1/4 معلقه صغيره من الحبهان

- حبات من الفلفل الاخضر الصحيح 

- يمكنك اضافه شرائح الزيتون
- لون طعام او دم غزال

- المكون السري والاخير والذي سوف تحصلى من خلاله على طعم لانشون مثل الجاهز بنسبه ميه 100% هو توابل البرجر من ماجى

* طريقه التحضير : -

- فى الخلاط يضاف كل المقادير ماعدا حبات الفلفل الصحيح والزيتون 

- يضرب جيدا حتى يختلط كل المزيج

- ضعى الخليط فى كيس من اكياس البلاستك الخاصه بالحليب او السندوتشتات على ان تقومى بربط الجزء الاسفل لكى يعطى شكل مثل اللانشون الجاهز 

- ثم غلفيه فى كيس اخر لضمان عدم الفك اثناء التسويه 

- لفى اللانشون فى ورق المونيوم كحبه البنبون 

- ضعيه فى ماء يغلى على البوتجاز وقومى بتهدئه النار واتركيه لمده ساعه ونصف مع مراعاه فى حاله نقص الماء يضاف له المزيد من الماء المغلى ويفضل ان يكون الاناء عميق وكبير

- بعد مرور ساعه ونصف اخرجيه من النار وقومى بفك الورق الالمونيوم وضعى اللانشون بالكيس البلاستك فى الثلاجه واتركيه لاربع ساعات فى الثلاجه حتى يمكنك تقطيعه 
أقرأ ايضا طريقه تحضير الزبادى فى البيت بدون ماكنه زبادى فى 10 دقايق

- قطعيه وقدميه لاسرتك فى الساندوتشات او كوجبه عشاء او افطار 

- لا تترددى فى ان تخبرينا بالنتيجه وسوف نكون موجودين لاى استفسار او اى تعليق

- بالهنا والشفا